Чок болган кижинин сонгу йорээли азы орнукшударынын езулалы.

Тыва чоннун шаг тоогуден бээр сагып келген езулалдарын хундулевишаан амгы уенин байдалын бодап, авыралдыг башкыларнын айыткаанын езугаар бижидивис.

1. Кандыг-даа кижи бо орандан чарлып чоруптарга оон адын ыыткыр адавайн ойзу адаар болгаш кончуг оожум торгул-торелдеринге дамчыдар.

2. Чоок улузу чыылгаш чок болган кижинин чангыс катап ажыдар "Алдын-Сава" судурун чоок кавыда турар дуган хурээнин лама-башкызындан хадак тудуп хундуткел-биле орнукшударын болгаш ундурер уе- шагын, хунун, чугун, шывар шывыыныу онун, дээр дегбес улузун база анаа хамаарышкан езулалдарны дилеп айтырар.

"Алдын-Сава" судурун катап ажыдары хоруглуг.Чижээ: Эрлик -Хаанныё эжиин катап ажытпазы-биле домей.

3. Чок болган кижинин орнукшудар хуну билдингенде оон мага-бодунга кедирер идик-хевин кедиргеш шывыын шывар.

Бир-ле болза чугле шывыг позу-биле мага-бодун чоргеп ораап каар.

4. Кавайынга чыттырарда бажынын адаанга калбак шайны хадак-биле ораагаш сыртандырып салыр.

Шай салырынын ужуру чер ээзинге болгаш чевег-хоор ээзинге чок болган мага-ботту хора чокка эки хулээп аары-биле хундуткел дилег демдек.

5. Чок болган кижиниё мага-бодун салыр огге азы бажынга дааш-шимээн ундурбейн бажынны арыглап шеверлээш, айдызап артыжааш чок болган мага-ботту чалап чыттырар. Оон бажынын устунге Будда бурган башкыны чалааш, чанынга ширээни салгаш кырынга дагыл оргулдени кылып тудар. Дагылдар оргуурде айтырган лама башкызындан айтырар.

Чок болган кижинин чанынга соктаан далганга саржаг, чигир, ары-чигири, ак ааржы, ак усту нугуп холааш хува аякка салыр. Чуруун салгаш мурнунга чуланы кыпсыыр. Ол ышкаш артыш, шаанак, кужуну кыпсыыр.

Салып болбас чуулдер эът аймаа, салаттар согуна, чеснок холаан аъш чемнер болгаш арага-дары, таакпы салыры шуут хоруглуг.

6. Чок болган мага-бот чанынга улуг улус олурган уезинде "ом-мани пад ме хум" деп таринаны узуткел чок номчуп олурар.

Эзирик улус чок болган мага-бот чанынга туруп болбас.

7. Чок болган мага-ботту човадып аай-дедер октап, артап, дорамчылап, база ыыткыр кускунап, кышкырып ыглап болбас. Чанынга таакпылар оваалап, аъш-чем чип, чугаа-соот кылып болбас.

Катап торуттунеринге улуг моондак апаар.

8. Чок болган мага-бот чанынга лама-башкыларга йорээлин ундурер хунунге чедир болдунар шаа-биле номчудар.

ундурер уезинин бертинде бир шак бурунгаар лама-башкыларга чевег-хоорже ундурер езулалын албан номчудар. Мага-бодунун чанынга номчутса улуг дузалыг болур.

9. Орнукшудар черин тодараткаш чок болган кижиниё мага-бодунун чыдар черин чер ээзинден дилээр "Са-Лан" езулалын лама-башкыларны чалааш дилеп кылдырар.

10. Чевегже ундурерде удээр торгул-торел, эш-оору чугле эр улус боорда 18 назы хардан ору болуру чугула. Херээжен улус назы-хары догуй берген болза ажырбас. Ундурер улус арага шуут ижип болбас.

11. Чевегге чок болган кижинин мортуунун кыры арыг турар болгаш кайы хамаан чок чуулдер салбас (веноктар). Маанайын тургускаш беш ангы оннуг кадакты шарып чалаар. Мортуу арыг болган тудум торуттунер ораны шак-ла ындыг арыг болур.

Аъш-чем , арага-дары, таакпы салбас ол ышкаш чевегге чемненип, арагалап болбас.

Орнукшуткаш хая корунмейн дораан аалче чоруп тараар.

Чевегнин кырынга салыр "Цакса" салырын болгаш кандыг чуул тургузарын лама-башкыдан ыяп айтырар. Цакса-ыдыктыг субурганнарнын азы буддаларнын овур-хевирин дурзулеп каан малгаштан кылган ыдыктаан хевир. Сонгу назынын углап бээр дээш буддаларнын чаларап кээр ыдыктыг чуулу.

12. Шагнын аайы-биле отче ( крематорийге) чалаптар чуулду торгул-торелдери лама-башкылардан айтыргаш, кандыг хевирлиг хулун чалаарын айтырып алыр. Чок болган кижинин кузели-биле, торелдернин дилээ-биле колдадыр.

13. Чевег-хоорден келген улус огче кирерде тос аржаан-биле чунар, артыжаныр болгаш оон соон дарый " Нолсан", "Тибсан" дээр хоор бужарындан арыглаар судурну номчудуп алыр.

14. Соолгу дойун торгул-торел чоок улустары кандыг-даа арага-дары чокка аъш-чемин четтирип алгап-йорээп каар.

Соогун туткан, чевээн каскан улуска ооруп четтиргенин илередип холун актап каар.

Амылыг амытаннын тынын узуп мал-маган соп, озеп болбас. Эът чугула херек апарза садыг-делгуурден чалап алыр. Ында ол чорукка ажыглаар дээн эът эвези билдингир.

Бир амылыг амызындан чарлырга оске амытан амызын узери улуг хурум болур.

15. Ажыг-шужугну улежип чок болган кижинин аалынга баарда хойнунга ийи кадак ап алгаш шаа-биле ашка-копээгин азы шай, конфет чигирин бир кадаанын кырынга сунар. Бир кадаан чок болган кижинин мага-бодунун кырынга узун дургаар чада салып каар.( венок орнунга) . Таакпыны аай-дедир солчуру албан эвес. Шагда болза думчук таакпызы турган ам ол чуул чогу-биле ол чанчыл читкен.

Мунгарап ыглаары чок болган кижинин сунезинин салбайн турары дег болур. Ынчангаш ыглап, мунгарап, арагалап, хол салдынып болбас.

"Кижи бурузу торуттунгеш оон чок болур"- деп бодап чорза эки.

16. Хонуун эртирери чиге чеди дугаар болгаш чиге дорттен тос дугаар хонуунда йорээп эртирер.

Корунчукту шып дуглаар, радио-телевизорга хоглуг дамчыдылгалар корбезин кызыдар. Сунезини будалбайн оруун тып алзын дээш.

Чок болган хунунден эгелээш 49 хонуунга чедир арагалаашкын, ыры-шоор, оюн-хоглээшкин кылыры хоруглуг.

17. Чок болган кижиге чугле судур-ном йорээлдер дузалаар болганы-биле 7-14-21-28-35-42-49 хонуктарында йорээл-номчулгазын кылдырар. Чулазын 49 хонуунга чедир албан кыпсыыр. Хурээге лама-башкы бурузунге чок болган кижинин адын бижээш ол (49 хуннунде) будун хуннун тургузунда "мани" номчуурун дилээр. Болдунар болза "Пхова намшей" номун (сунезинин арыг оранче чорудар ном), ону кылып, номчуп чоруур башкыга дааткалды кылдырар. Эки оранга торуттунзун дээш.

18. 49 хонуунун соонда бир чылдаан, уш чылдаанын болгаш "торелдер хунун" эртирип чевег хоорже барып болбас. Чуге дизе 49 хонук тургузунда катап торуттунер иезинче чок болган кижинин сунезини чаларай бээр. Ынчангаш оон адын адап сунезинин дедир кыйгырып болбас. Ол ышкаш чевег чаартыр, арыглаар, аштаар анаа барып ыглаар сыктаар чанчылдарны шуут чорудуп болбас. Туннели багай болур болгаш хамчыктыг аарыгларны тывырылдырар база кижи торелгеттеннин назыны кыскалаар чылдагааннарны дойулдуруп турары ол.

Озалдаан, четтикпээн улустун эн эки кылып каар чуулу чуланы кыпсып хурээге йорээлди номчудуп каары.

Чок болган кижинин улузунга барып арага-дары кудуп ол кажыыдалга таварышкан улустун хей-адын, сулдезин кудуладып болбас болгаш оларны катап катап мунгаралче чыгап углап болбас.

Уенин аайы-биле арагадан оске иштики-сагыш сеткилдин, материалдыг хевирнин дузазын чедирип кагза буян болур.

Чаш кижи бурлу бээр болза оон чылдагааннарын коруп, анаа-ла чок болган болза шаанда дег хаяа баарынга азы чаш улус орнукшудар черге ораагаш базырып каар, а бир эвес аарааш чок болган болза эмчилер-биле сумелешкеш отче чалаптары эн эки болур. Оон -биле ол бичии оле-шаранын езулалы тонген.

Йорээл номну, катап тол токтаадыр судурну дораан номчутса чугула.

Улуг кижи ажааганы дег эртирип болбас.

Чаш улус чалап турар черни айтырып алгаш, иштики херектер ямызынга азы шагдаага медээни ыяп чедирер.

Кижи бурузунун уулези ангы ангы болганы-биле оске чуулдерин лама-башкыдан айтырар.

Кижи бооп торуттунери дыка берге ынчангаш ону унелеп шын чуртаар. Буянныг уулени кылып багай нугул-бачыт кылбайн чорза буяны улуг назыны узун болур.

Ом сарва мангалам.

Унелиг кижи чуртталгазынын уш улуг дойунун бирээзи соолгу дой езулалын эн кысказы-биле тайылбырлап бижидивис.

Тыва Республиканын Камбы-Лама Эргелели